Hopp til innhold

Gullfesten på vent i Arendal

ØIF Arendal inviterte til gullfest med gratis inngang til kampen mot Viking. Men feiringa må vente då ØIF ikkje fekk hjelp frå Vestlandet.

ØIF Arendal
Foto: Sander Heggheim/NRK

– Vi laga ein gullfest, men vi mangla medaljane. Det var masse publikum og festhandball i periodar, seier ØIF-keeper Svenn Erik Medhus.

For fleire veker sidan lova han gullfest nettopp mot Viking onsdag 9. mars. Slik gjekk det ikkje.

Marinko Kurtovic, ØIF Arendal

ØIF-trenar Marinko Kurtovic.

Foto: Sander Heggheim/NRK

– Vi hadde ikkje venta å vinne gull i dag. Vi visste at Haslum ikkje kom til å tape mot Stord. Vi får berre vente nokre dagar til, seier trenar Marinko Kurtovic.

ØIF Arendal var nemleg avhengig av at Stord tok poeng borte mot Haslum for å kunne feire seriegull.

Sjanselause Stord

Haslum køyrde over allereie nedrykksklare Stord og vann til slutt 37-21 på heimebane.

Då hjelpte det lite at ØIF Arendal sjølv gjorde jobben mot Viking heime i Sør Amfi. Serieleiaren vann 29-21 mot tabelljumboen frå Stavanger.

Dermed er det framleis spenning i gullkampen i eliteserien med to serierunder att. Haslum ligg framleis tre poeng bak arendalittane.

Svenn Erik Medhus, ØIF Arendal

Svenn Erik Medhus stod igjen ein god kamp i ØIF-målet.

Foto: Sander Heggheim/NRK

Ventar tøff kamp i Bergen

Søndag møter ØIF Arendal Fyllingen i Bergen. Det er eit lag dei kun har slått ein gang på bortebane.

– Fyllingen er eit vanvittig bra lag. Det blir vanvittig tøft. Men vi veit at det er to kampar att og at det held med ein uavgjort, så har vi gullet. Vi går for å vinne i Bergen, seier Medhus.

Haslum skal spele mot Halden borte i den nest siste serierunden.

– Fyllingen er ein av dei vanskelagste bortekampane i løpet av sesongen. Det er eit lag som kan slå alle og tape mot alle. Mot oss veit eg kvar eg har dei, smiler Kurtovic.

Får spele med beskyttelse

Rett før kampstart onsdag kveld fekk ØIF-spelar Kenny Ekman beskjed om at han likevel får lov til å spele med hovudbeskyttelse.

Handballforbundet nekta svensken å bruke beskyttelse og viste til internasjonale reglar som forbyr dette.

No har forbundet snudd, og Ekman får lov til å spele med beskyttelsen ut sesongen.

– Eg fekk beskjed rett før kampstart. Dette er snakk om sunn fornuft, seier Ekman til NRK

Kenny Ekman, ØIF Arendal

Kenny Ekman får spele med hovudbeskyttelse.

Foto: Sander Heggheim/NRK

.

Siste nytt fra NRK Sørlandet

null
Spiller nå
Sjimpanser på påskeeggjakt 00:55
Neste

Økonomistatus

Strømpris i dag

Inkludert avgifter

Billigst kl. 02 0,87 kr
Dyrest kl. 20 1,48 kr

Strømkostnader nå

  • Steke pizza 0,4 kr 25 min.
  • Dusje 4,1 kr 10 min. / 100 liter vann
  • Vaske klær 0,5 kr En vask
  • Varmeovn 1 kr 1000w, en time

Styringsrenta i prosent

Høyere styringsrente betyr økte utgifter dersom en har boliglån

Økte matpriser

Hvor mye matprisene har økt det siste året, sammenlighet med lønnsutvikling

  • Matvarer Feb 2023 – feb 2024
    + 6,3 %
  • Lønnsutvikling Anslag for 2024
    + 5,5 %