– I forhold til befolkningsgrunnlaget ligg vi litt under i forhold til landsgjennomsninttet som er forventa i forhold til landsgjenomsnittet, seier assisterande fylkeslege i Vest-Agder, Toril Hagerup-Jenssen til NRK.
3000 mista livet
Medan det i fjor var heile 244 personer som døydde av overdose i Noreg, kom kun sju av desse frå Agder.
Omlag 3000 menneske har mista livet som følgje av overdose i Noreg i løpet av dei siste 11 åra. Men på Agder ser statistikken betre ut. Sidan 2006 har 25 personar mista livet grunna overdose. 13 i Vest-Agder og 12 i Aust-Agder.
I tillegg til dette er det verdt å merke seg at Kristiansand som ein av dei større byane i Noreg ligg lågt på denne statistikken.
– Tragedie bak kvart tilfelle
– Eg vil tru at det skuldast at vi har ei gruppe legar i fylket som har interesse for dette området, og gjer eit behandlingtilbod med oppfølgjing. Vi har hatt feltsjukepleie i Kristiansand i mange år, som har fulgt opp denne gruppa, seier fylkeslegen.
Så langt i 2009 er det registrert eit overdosetilfelle i kvart av agderfylka.
– Eg trur ikkje vi skal glede oss over at vi ligg lågare enn forventa ut ifrå landsgjennomsnittet. Eit kvart tal er eit tal for mykje. Det ligg ein tragedie bak eit kvart overdosedødsfall, anten tala er små eller store, seier fylkeslege i Vest-Agder, Toril Hagerup-Jenssen.