Det var Vebjørn Bråthelund, Kjell Arne Lønningen og Gro Sandnes som representerte elevane frå Bygland skule.
Livmor
I første kategori trekte elevane «Hysteri». Laget fekk til saman 3 av 4 moglege poeng i den første kategorien. Dei vart mellom anna spurt om kva kroppsdel ordet hysteri stammar ifrå. Bygland-elevane svara livmor, som også er riktig.
I den andre kategorien vart det «Bygg». Eitt av dei fire spørsmål var kva kongane som er begravd i pyramidene i Egypt vert kalla. Laget svara farao, som er riktig. Det betyr 3 av 4 poeng også i runde to.
I tredje og siste kategori trekte laget tema «Pengar». Her måtte 10.-klassingane vise fram mattekunnskapane sine.
Prosentrekning
Dei vart mellom anna spurt om følgjande spørsmål: ein person sparar 4500 kroner av 18 000 kroner som han eller ho tjente ein månad. Kor mange prosent er det. Kvikke setesdøler svara 25 prosent, som er riktig.
Dermed vart det altså til saman 8 av 12 poeng for Bykland skule i Klassequizen 2012.
Klassequizen er ein landsomfattande konkurranse der kvart fylke har sine innleiande rundar. Dei beste laga frå dei innleiande rundane går vidare til lokale finalar.
Til slutt møtest dei lokale vinnarane i nasjonal finale på TV i mai 2013.