– Eg er ikkje bitter i den forstand, men eg har mine synspunkt på det som skjedde. Eg har alltid hatt veldig sterke synspunkt på samfunns- og kyrkjespørsmål, seier han til VG Nett.
- LES OGSÅ: Flyttar heim til bibelbeltet
Det storma rundt soknepresten i november i fjor. Arendalitten gav ut boka «Sex i Bibelen», som blant anna anbefalte bruk av pornografi og omtala positive sider ved gruppesex.
Måtte seie opp
Oppstyret gjorde at Gelius til slutt måtte seie opp jobben som prest i Vålerenga kirke.
– Eg har jo opplevd mykje som 25 år som prest, vore med på ufatteleg mykje. Det er jo ei slags, kva skal eg kalle det, ei slags biografisk debattbok. Litt om meg sjølv og det eg har vore med på, seier han.
- LES OGSÅ: – Solid fallskjerm for Gelius
– Eg har vore gjennom ein oppsigelse, eg har sagt opp jobben min. Det var jo litt av ei sak, seier han til avisa.
– Det var uverkeleg
Gelius avslører at det vert lite frå privatlivet i den nye boka.
– Nei, eg har jo skrive litt om det i sexboka, så det får halde, seier han.
– Eg fekk jo så mykje kritikk for det då, veit du. Det var nesten som å oppleve seg sjølv på film. Det var heilt uverkeleg. Og det skjedde så mykje på utruleg kort tid. Fire veker etter at boka kom ut, sa eg opp jobben min, fortel han.
- LES OGSÅ: Gelius takker for støtten
– Det var fire veker då alt vart snudd på hovudet. Eg fekk jo kjeft frå alle kantar; frå feministar, frå kvinnelege teologar, og eg veit ikkje kva. Men eg fekk også mykje hyggeleg støtte, ler han.
Stolt av sex-boka
Soknepresten trur boka ville ha blitt teke imot annleis i til dømes USA.
– Her i Norge vart det nærast oppfatta som undergangen. Eg vart jo mistenkt for min teologiske kompetanse, og eg veit ikkje kva. Hadde denne boka blitt utgitt i kva som helst anna land, hadde folk knapt lea på augeloket, seier han til VG Nett.
– Men det fortel at seksualitet framleis er eit veldig ømtålig tema. Og når eg attpåtil blandar Bibelen inn i det, vert folk heilt rabiate. Men eg er stolt av den boka. Der det noko eg er stolt av i mitt liv, så er det den, seier han.
