– Ein person er funne død. Vi kjenner ikkje identiteten til vedkommande, seier operasjonsleiar i Agder-politiet Geir Andersen til NRK.
Politiet melde først at det ikkje var nokon personar inne i det brennande huset.
Krimteknikarar på veg
Etter at røykdykkarar frå brannvesenet hadde gjennomsøkt huset kom meldinga om at ein person er funne død.
Brannvesenet har no kontroll på brannen.
Krimteknikarar frå politiet er på veg til staden og skal forsøke å finne årsaka til brannen.
– Det er for tidleg å seie noko om kva som starta brannen, seier Andersen.
Omfattande skader
Ifølgje politiet var det ein nabo som varsla brannvesenet om at det brann i huset.
Huset har fått omfattande skader.
– Det har vore kraftig røykutvikling, men det er for tidleg å seie noko om brannårsak eller den omkomne, seier politibetjent Lasse Moe til Lister24.