Fleire innbrot i helga

Politiet har sett i gang etterforsking fleire stader etter melding om innbrot.

Politiet fått melding om innbrot i ein barnehage i Kristiansand. Det er mellom anna stole datamaskiner, ein snøfresar og kontorustyr frå barnehagen.

I Arendal har det vore innbrot i eit fiskemottak. Der skal det ha blitt teke pengar frå ein safe. Politiet har sikra spor i saka.

Ei rute er knust på inngangsdøra til ei musikkforretning i Arendal sentrum. Ifølgje politiet ser det ikkje ut til at noko er stole frå butikken. Saka er meld som eit skadeverk.

I Kristiansand er det også meldt om innbrot i fire bilar i eit garasjeanlegg. Her er politiet i gang med undersøking.