NRK Meny
Normal

Fire mista lappen på E39

Her er politiloggen natt til laurdag.

03.18 Vennesla: Politiet fekk klager på høg musikk på ei adresse i Vennesla. Politiet reiste til staden og fekk dempa musikken.

02.30 Lindesnes: Ein person som politiet omtalar som rusa og bråkete vart teken med til arresten.

Kristiansand: Fire bilførarar mista sertifikatet etter ein trafikkontroll på Vesterveibrua på E39 i Kristiansand natt til laurdag. Det vart i tillegg skrive ut ni forenkla førelegg. Høgste målte fart i 60-sona var 100 km/t.

02:18 Kristiansand: Ein 33 år gammal mann vart sett i arresten etter å ha slått til ei vakt på ein utestad. Kort tid seinare vart tre andre personar sett i arresten etter å ha laga bråk på same utestad.

01.05 Arendal: Tre personar vart sende til legevakta for sjekk etter ei trafikkulykke på Nedenessletta i Arendal. Ein bil køyrde i ein lyktestolpe. Politiet beslagla sertifikatet til føraren av bilen.

00.55 Lillesand: Ein rusa mann vart vist bort frå sentrum, men nekta å godta dette. Det gjorde at politiet køyrde mannen til arresten.

00.41 Kristiansand: Politiet rykte ut etter melding om ein slåstkamp ved togstasjonen. Fornærma ville ikkje melde saka, ifølgje politiet.

00.08 Kvinesdal: Ein 43 år gammal mann er mistenkt for promillekøyring på moped. Politiet har beslaglagt førarkortet til mannen. I tillegg har dei sikra blodprøve.

23.55 Søgne: Politiet fekk fleire meldingar om ein mann som var rusa og oppførte seg aggressiv på Tangvall. Politiet fjerna mannen frå staden.