Ei kvinne (56) og ein mann (65) omkom i bustadbrannen.
Ein førebels obduksjonsrapport viser at dei to døydde av kullosforgifting, skriv Fædrelandsvennen.
– Vi har ikkje mistanke om at det har skjedd noko kriminelt her, seier politiførstebetjent Morten Tobiassen ved Tvedestrand lensmannskontor til avisa.
Han legg til at politiet aldri kjem til å bli sikre på kva som har skjedd, og korleis brannen har oppstått.
Dei to personane vart funne døde i brannruinane nokre dagar etter brannen. Allereie då slo politiet fast at det ville bli vanskeleg å finne årsaka til brannen.
Brannen vart varsla inn til brannvesenet tidleg om morgonen 4. juli.
Då brannvesenet og politiet kom fram til staden var heile andre etasje av huset overtent.