Funnet vart gjort i samband med pågriping av to personar i ei narkosak i Søgne i Kristiansand.
– Det er gjort funn av det som framstår som sivilt sprengstoff. Det er er ikkje ei bombe, sa Jarl Nilsen i Agder-politiet søndag føremiddag.
– Vi har ikkje kompetanse på å sikre det på ein forsvarleg måte. Difor tilkallar vi bombegruppa, sa han.
Henta ut gjenstandar
Politiet sperra av eit området rundt huset. Dei hadde også med seg hund.
Rundt klokka 14 avslutta bombegruppa arbeidet på staden. Då hadde dei teke med seg fleire gjenstandar frå huset.
– Eg vil ikkje gå inn på detaljar, men det er teke med nokre gjenstandar som skal destruerast, seier Ole Bjørn Kleivane i Agder-politiet.
Arbeidet med å destruere funna skal allereie vere ferdig, ifølgje Kleivane.
Dei to personane som er pågripne vert avhøyrde søndag.
I eit bustadområde
Bombegruppa skulle bistå Agder-politiet med sikring, dersom det var sprengstoff som var i huset.
Funnet vart gjort i eit privat hus i eit bustadområdet i Søgne.
Politiet har heile tida understreka at det aldri var fare for omgjevnadene.
Bompegruppa kom til Sørlandet med helikopter i rundt klokka 11 søndag. Helikopteret landa ved Lunde skole.