NRK Meny
Normal

Fann død mann i havnebasseng

Politiet i Farsund har sett i gang etterforsking etter at ein mann vart funne død i havnebassenget.

Død mann funnet i Farsund

FUNNE DØD: Mannen vart funne død i havnebassenget i Farsund torsdag føremiddag.

Foto: Mari-Ann Albrektsen/NRK

Benth Castberg

Politibetjent Benth Castberg.

Foto: Mari-Ann Albrektsen/NRK

Mannen vart funne flytande i havnebassenget rundt klokka 11.30 torsdag føremiddag.

Krimteknikarar er no på veg til staden.

Politiet opplyser til NRK.no at dei ikkje veit kven denne personen er, og at dei etterforskar saka som mistenkeleg.

– Vi veit endå ikkje kven dette er, dødsårsak eller noko som helst, seier politibetjent Benth Castberg til NRK.no.

– Det vi veit er at det er funne ein død mann flytande i havnebassenget og teknikarar er på veg frå Mandal, seier han.

Ifølgje fvn.no skal personen ha ein kul i hovudet med eit kutt som blør.

– Vi kallar dette eit mistenkeleg dødsfall. Det treng ikkje å indikere at noko kriminelt har skjedd, men det betyr at vi ikkje har kunne fastslå noko dødsårsak, seier han.

Innholdet som skulle vises her støttes dessverre ikke lenger.