Ein av ranarane fanga opp på eit overvakingskamera.
Foto: PolitietDei to mennene er fanga opp av eit overvakingskamera i nærleiken av gullsmeden.
Ranarane skal ha fått med seg varer for over ein million kroner då dei slo til fredag i førre veke.
Sikta mot tilsette
– Vi ber om å bli kontakta om nokon har sett desse personane, seier Jan Terje Aas som er etterforskingsleiar i politiet.
Dei to mennene tok seg inn i butikken ved 13.35-tida fredag og skal ha vore utstyrt med ein pistol, eller ein pistolliknande gjenstand.
Den eine retta våpenet mot hovudet til dei tilsette. Samstundes knuste den andre ranarane glasmonter og forsynte seg av varer. Ingen personar vart skada under ranet.
- Les også: Ni mann jobber med å ta disse to
Stakk frå staden
Ranarane skal ha forsvunne i sørleg retning etter ranet.
Politiet har tidlegare etterlyst tips frå publikum som var i sentrum av Lyngdal rundt tidspunktet då ranet fann stad.
Dei to mennene er truleg i alderen 25-30 år.
Gullsmeden som vart rana ligg kring 400 meter frå lensmannskontoret i Lyngdal.
