Sørlendingen var berre sju sekund unna bronsen, medan det var 25 sekund opp til gullet. Det var Napoleon Solomon frå Sverige som gjekk til topps på 6 kilometeren i U20-klassa.
Dei tre beste frå kvar nasjon tel med i lagkonkurransen. Her gjekk Norge til topps, dermed kan mandalitten krone seg med tittelen nordisk meister.
– Eg er veldig nøgd. Eg hadde ein god dag i løypa og kunne nok ikkje har gjort det så mykje betre, seier Udø Pedersen til NRK.no.
Tok seg ut
Han har eitt år att i U20-klassa og satsar alt på å ta steget opp på pallen i Nordisk Meisterskap til neste år.
– I dag var eg sliten og tok ut alt. Eg tok att fleire på oppløpet. Men neste år skal eg ta medalje, seier han.
18-åringen satsar primært på baneløp og tok to sølvmedaljar under junior-NM i Sigdal i sommar. Det var sølv både på hinder og på 1500 meter bak Fillip Ingebrigtsen som er bror til Europameister Henrik Ingebrigtsen.
Vil satse
– Det er kjekt å springe terrengløp, men eg trivst best på bane. Eg håpar å kunne delta i internasjonale meisterskap på bane etter kvart. Eg satsar deg eg kan, så får vi sjå kva det held til etter kvart, seier Holum-løparen.
Ferdinand Kvan Edman vart beste nordmann på andreplass.