– Eg føler meg ikkje bra. Ikkje bra i det heile, seier Bibeche Oledjeke til TV2.
– Føler meg elendig
Enka møter opp i retten, saman med fleire av deira seks felles barn. Ifølgje TV-kanalen handlar dette først og fremst om at ho mista mannen sin, og at dei seks barna hennar no må vekse opp utan ein far.
– Sidan den dagen mannen min døydde, har eg følt meg elendig. Eg er dårleg heile tida, eg får ikkje sove om natta fordi eg tenkjer på han, seier ho.
Treng pengar
Aktor har bede om dødsstraff for dei to tiltalte nordmennene. Men ei dødsstraff vil ikkje hjelpe enka og dei seks barna. Ho er mest oppteken av korleis ho skal klare å forsørge barna.
– No har eg ansvaret for barna aleine. Korleis skal eg klare det, spør ho.
Enka treng pengar til mat, vatn, klede, straum og utdanning. Ho får noko hjelp frå slektningar. Olendehi føler eit stort sakn etter mannen sin.
– Eg veit ikkje kva eg skal seie. Eg saknar nokon å snakke med. Mannen min ordna alt, seier ho.
Tjostolv Moland (t.v) og kameraten Joshua French er tiltalt for drapet på mannen til Oledjeke.
Foto: Vatn, Vegar K. / SCANPIX
