Vegen vart stengd ved Hobdesundet aust for Valand i Mandal rundt klokka fire natt til måndag.
Vegen var open for normal trafikk igjen litt over klokka ti måndag føremiddag.
Årsaka var eit trafikkuhell med eit vogntog, som sperra trafikken i begge retningar.
– Krevjande
Autovernet fekk seg ein trøkk.
Foto: Sigbjørn Kristiansen/NRK
Johan Mjaaland er distriktssjef i Statens vegvesen region sør.
Foto: Svein Harry Johnsen/NRK– Det er litt uklart kor lenge den vil bli stengt. Berging pågår og det tek tid. Vegen vil nok vere stengd i endå nokre timar, sa Stian Molteberg hos Vegtrafikksentralen litt før klokka åtte måndag morgon.
– Dei siste signala vi har fått frå Vegtrafikksentralen er at vegen kan opnast ein gong i 11-12-tida, sa distriktssjef i Statens vegvesen region sør, Johan Mjaaland.
– Kva er årsaka til at dette har teke så lang tid?
– Vi ser av og til at berging av store vogntog er krevjande. Denne ligg vanskeleg plassert midt i vegbana på tvers, og ein skal komme til med bergingsbilar og få det vekk. Det er ein krevjande jobb, seier Mjaaland.
Omkøyring via Holum
Politiet venta først at vegen skulle opne att rundt klokka åtte. Dette vart seinare utsett til klokka 11.
Omkøyring var skilta via Holum.
– Omkøyringsvegen tek berre nokre minutt ekstra i forhold til å køyre E39, sa Molteberg hos Vegtrafikksentralen.
Sjåføren av vogntoget er køyrt til sjukehus for sjekk.
Strekninga er også hovudfartsåra mellom Stavanger og Kristiansand.
