Kvinna er framleis sikta for drapet på den 64 år gamle naboen.
– Det er omstende, funn på åstaden og funn på avdøde som gjer at det er naturleg å sikte henne for forsettleg drap, seier politiadvokat Hellek Rue til NRK.no.
- LES OGSÅ: Kvinne siktet for drap
Flytta nyleg inn
Etter det NRK.no kjenner til hadde den drepte omfattande skader i hovudregionen. Men politiet vil ikkje seie om det er funne nokon gjenstandar som er beslaglagt.
Kvinna flytta nyleg inn i ein av dei seks omsorgsbustadene. Ho var nabo med den drepte mannen som er 64 år. Etter det NRK.no kjenner til hadde den drepte mannen omfattande skader i hovudregionen.
Politiet vil ikkje seie om det er funne nokon gjenstandar som er beslaglagt. Det er ikkje nattevakt ved desse omsorgsbustadene, men tilsyn fram til 22-tida.
Tilbyr krisehjelp
Flekkefjord kommune tilbyr no krisehjelp til dei andre bebuarane.
– Kommunen sit psykososiale kriseteam er etablert for å ivareta både dei øvrige bebuarane, medarbeidarane og andre som kan ha eit forhold til hendinga, seier kommunalsjef Bernard Nilsen i Flekkefjord kommune.
Kvinna er registrert i politiet sitt register tidlegare. Politiet gjer no avhøyrt av dei andre bebuarane for å finne ut om nokon har sett eller høyrt noko i samband med drapet.
Kjenner ikkje til bråk
– Vi kjenner ikkje til bråk av denne kategorien tidlegare. Kvinna har vore busett i denne bustaden i relativt kort tid. Avdøde har budd her lenger, men vi har som sagt ingen opplysningar om at det har vore noko bråk tidlegare, seier politiadvokat Hellek Rue.
