– Vi ser på det som gledeleg for så vidt som at trafikk, alkohol og andre rusmiddel ikkje høyrer saman og utgjer eit alvorleg samfunnsproblem og trafikksikkerheitsproblem, seier fylkeslege i Aust-Agder, Anne Sofie Syvertsen til NRK.no.
– At tenestene og legane vert meir merksame på meldeplikta er veldig bra, seier ho.
Fylkeslegen har beda fagfolka om å bli flinkare til å rapportere inn, og resultatet har ikkje uteblitt.
I fjor sende legane inn bekymringsmeldingar på 66 personar i fylket, dobbelt så mange som året før. Mange av desse har no fått inndrege førarkortet. Ofte er dette konfliktfylte saker.
– Det er eit følsomt område, særleg når det gjeld alkoholmisbruk. Dette er ikkje enkle tema verken for legane eller helsetenesta å ta opp, men desto viktigare i eit samfunnsperspektiv, seier Syvertsen.
