05.13 Kristiansand: Ein rusa mann nekta å forlate ei leilegheit etter å ha vore på besøk. Mannen hadde forlate staden før politiet kom for å fjerne han.
04.06 Kristiansand: Ein rusa mann som låg og sov vart vekt av politiet. – Han klarer seg sjølv og går heim, skriv politiet i loggen.
03.19 Songdalen: Politiet fekk melding om husbråk mellom eit par. Det heile enda med at ein mann vart meld for bruk og besittelse av narkotika.
02.52 Søgne: Ein mann vart meld for køyring med bil i påverka tilstand. Førarkortet hans vart beslaglagt.
02.44 Tvedestrand: Ein mann urinerte rett føre ei politipatrulje. Det enda med at han vart meld for urinering på offentleg stad.
02.39 Arendal: Ein mann vart henta med ambulanse etter å ha falle og slått seg.
02.38 Kristiansand: Ei kvinne og ein mann krangla høglydt på Lund. Dette gjorde at naboar vart forstyrra. Ifølgje politiet var det sjalusi som var bakgrunnen for krangelen. Dei to vart pålagt å dempe seg.
02.31 Kristiansand: Ei kvinne og ein mann vart vist bort frå sentrum etter å ha krangla.
02.30 Arendal: Fire bilførarar vart natt til søndag fråtekne førarkortet etter ein kontroll ved Blødekjær i Arendal. Alle dei fire køyrde for fort. I tillegg fekk åtte førarar eit forenkla førelegg etter å ha vore for ivrige på gassen.
02.17 Søgne: Ein mann vart fråteken førarkortet etter å ha køyrt i 126 km/t i ei 80-sone.
02.14 Tvedestrand: Ein rusa mann vart vist bort frå sentrum etter å ha laga bråk på ein utestad. – Han ville synge saman med bandet som spelte, men fekk ikkje lov, skriv politiet i loggen.
02.00 Mandal: Politiet fekk melding om ein rusa mann som gjekk på E39 ved Mones. Mannen var borte då politiet kom til staden.
01.05 Tvedestrand: Eit bustadhus brann ned. Det var ingen folk i huset då det byrja å brenne. Det er sett i gong etterforsking for å finne brannårsaka.
00.42 Tvedestrand: Ein rusa mann vart vist bort frå sentrum. Ifølgje politiet skal han ha slått ein annan mann.
00.29 Kristiansand: Ein mann vart sett i arresten etter å ha nekta å gjere som politiet sa. Mannen krangla med vakter på ein utestad.
00.25 Lyngdal: Politiet måtte rykke ut for å dempe lydnivået på ein fest, etter klager frå naboar.
