NRK Meny
Normal

Dette skjedde i natt

Brannutrykning, politikontroll til sjøs og trafikkulykke er noko av innhaldet i politiloggen natt til laurdag.

Politibil - illustrasjon

Illustrasjonsfoto.

Foto: Illustrasjonsfoto

05.50 Arendal: Det var full utrykning etter melding om brann i ein bygning i Strømsbuåsen. Det viste seg at brannalarmen skuldast tørrkoking.

02.40 Kristiansand: Politibåten patruljerte i skjærgarden fram til klokka 02.40. Det vart skrive ut fem forenkla førelegg på manglande flytevest, lanterner og eitt for høg fart.

02.21 Farsund: Ein bil unndrog seg politikontroll. Seinare vart bilen funne ståande i Vanse og det vart sett i gang søk etter føraren. Personen vart seinare funne og det er mistanke om ruskøyring. Førarkortet er beslaglagt.

01.59 Iveland: Ein bilførar vart send til sjukehus for sjekk etter ei utforkøyring ved Vatnestrøm i Iveland i natt. Ingen personar var ved bilen då politiet kom til staden. Men dei fekk etterkvart tak i føraren.

01.55 Arendal: Ein rusa mann vart sett i arresten etter at han skal ha gått rundt og banka på dører i eit bustadområde.

01.24 Kvinesdal: Ein moped og ein motorsykkel vart avskilta fordi det ikkje var betalt årsavgift og omregistrering.