Dei to finalistane er Valle skule og Stinta skole frå Arendal.
Valle skule sikra seg 9 poeng i den innleiande runden i november. Stinta skole frå Arendal fekk også 9 poeng.
– Det er to verdige finalistar. På Stina skole var det ein reserve som kom inn i siste liten. Ein skal aldri undervurdere folk frå innbytarbenken, seier Klassequiz-general Håvard Raustøl til NRK.no.
Går på NRK1
Håvard Raustøl
Foto: NRK Sørlandet– Den lokale finalen vil bli sendt på NRK1 i heile landet i april. Der skal sørlandsrepresentantane frå både Aust- og Vest-Agder kårast, seier han.
– Kan dei vente seg vanskelegare spørsmål i den lokale finalen?
– Vi skrur til stikka litt. Men først og fremst blir dette ei kjempegøy happening for skulane som skal vere med, seier han.
Elevar frå skulane fyller studio på Tangen i Kristiansand under TV-sendinga.
Stor finale i Oslo
Avgjerda i Vest-Agder fell i neste veke. Akkurat no er det kristiansandskulane Karuss og Fiskå som ligg best an.
Både Songdalen ungdomsskole, Vassmyra ungdomsskole i Mandal, Å ungdomsskole i Lyngdal og Berge ungdomsskole i Lyngdal kan utfordre dei to i neste veke.
Dei 19 fylkesvinnarane møtest til stort TV-show i mai.
– Det er eit stort apparat som planlegg dette, og det er mange folk i sving. Dette blir proft, gøy og god TV-underhaldning, seier Raustøl.
Det er Solveig Hareide, kjend frå programma Kosinus og Newton som skal leie finalen.
