Dessutan meiner sju av ti danskar at Noreg er det beste skireisemålet.
– Det er ikkje veldig overraskande. Det verdt å merkje seg at kursen på den svenske krona er låg. Der får du nesten 30 prosent meir kjøpekraft. Så vi kan seie at danskane er lojale overfor skiferien i Noreg, seier styreleiar Jørn Grønkjær i Sirdalsferie.
Bitande kulde
Grønkjær meiner bitande kulde over heile landet dei siste vekene ikkje skremmer danske turistar frå å velje Noreg. Det har vore mykje danskar på Hovden skisenter i jula. Styreleiaren trur kulda kan vere med på å gjere skitilbodet i Noreg endå meir attraktivt for danskane.
LES OGSÅ:
– Ja, eg trur faktisk det er meir motiverande for danskane. I store delar av
. Det har gitt endå meir blod på tann, seier han.Attraktivt reisemål
Undersøkjinga stadfestar at Noreg framleis er attraktiv som reisemål på vinterstid.
– Eg trur det stadfestar at det er gode skitilhøve i Noreg. Så eg trur ikkje ein skal vere redde for at kulda skal skremme danskane vekk frå Noreg, seier han.
LES OGSÅ:
Danskebåten mellom Kristiansand og Hirtshals er ei av årsakene til at mange vel å reise til Noreg på skiferie, meiner Grønkjær.
– Flottast natur
– Danskane har fått augene opp for kor enkelt det er å komme seg til Noreg. Seks av ti danskar planlegg å ta sjøvegen på skiferie i år. 72 prosent av dei spurte i undersøkjinga vel å ta med seg bilen, seier han.
Ni av ti som vart spurt i undersøkjinga meiner at Noreg, som skidestinasjon har den flottaste naturen, og tre av fire meiner at Noreg er den mest barnevennlege staden å reise til dersom ein skal ha familien med på tur.