Comeback for kommentator-Unni

– Det er første gang eg sender fotball på tv. Eg har jo vore i radioen i nesten hundre år, men tv har eg aldri gjort før. Eg må passe på at eg ikkje pratar kampen ihjel. Eg må tenke på at folk ser kampen med eigne auge, seier Unni Anisdahl til NRK.no.

• LES: Unni Anisdahl takker for seg

Anisdahl gav seg som kommentator i NRK hausten 2009. Då hadde ho lagt bak seg tiår som kommentator både i handball, alpint og fotball.

– Gjesteopptreden

– Comback? Herligfred. Det er jo berre 90 minutt. Eg veit ikkje om eg vil kalle det eit comeback ein gang. Gjesteopptreden, seier Anisdahl.

• LES: Alt om cupen

Pensjonisten vedgår at ho til tider saknar «å vere der det skjer».

– Ja, eg må innrømme det når det kokar som verst. Men eg lever godt med å vere ekspertkommentator i sofaen, seier ho.

– Kan det bli aktuelt med meir kommentering enn denne kampen?

– Nei, no må de la meg vere i fred. Neida, eg veit ikkje. Vi får sjå, ler Anisdahl.

Trur på ekstraomgangar

Start har hatt ein tafatt poengvår i eliteserien. I eliteserien spelte laget sju kampar på rad utan å vinne, før dei tok tre poeng mot Fredrikstad 16. juni.

– Cup er cup, ballen er rund og stafett er stafett. Her kan alt skje. Eg trur det vert ein vanskeleg kamp for Start. Eg trur det kan bli ekstraomgangar. Vert det det er spørsmålet kven som har mest krefter, ork og guts mellom øyra, seier Anisdahl.

• LES: Vil ikke sparke Tørum

I andre serierunde slo Start nettopp Strømsgodset heile 5-1 heime på Sør Arena. I den kampen vart Godset-keeper Adam Larsen Kwarasey utvist allereie etter åtte minuttar spel.

– Start og Strømsgodset er to lag som fyk ut av av blokkene som rakettar. Eg trur det vert full sprut frå avspark, seier kommentatoren.

– Seriekampen i vår var veldig spesiellt på grunn av utvisninga. Nettopp på grunn av det trur eg Strømsgodset er veldig revansjelystne fordi dei vil vise at det var eit eingangstilfelle, seier Anisdahl.

Godset slit på Sørlandet

Strømsgodset har kun slått Start ein gang sidan 1996. I 2007 vann Strømsgodset 3-2 i Kristiansand.

– Start har vårkampen i bakhovudet og veit dei kan slå drammensarane. I tillegg har dei eit godt tak på Strømsgodset, men «heaven knows», seier ho.

• LES: Ujah senket Godset

Strømsgodset er regjerande cupmeister og har vunne cupen fem gonger. Start har aldri vore i ein cupfinale.

– Du kan spørre. Det kan liggje litt i lynnet. Dei får kanskje litt angst. Dette er vinn eller forsvinn, og det kan bli for mykje mellom øyra. Då knyter det seg. Det er den einaste forklaringa eg kan tenke meg å komme meg, som kan vere nokolunde fornuftig, seier Anisdahl.

Trur på Start-siger

4-4-2-kommentator i NRK P1, Håvard Raustøl, trur på Start-siger i kampen som vert sendt i NRK Nett TV.

– Det er ofte målrikt når Start møter Strømsgodset. Eg trur på minst fem scoringar og Start-siger onsdag kveld, seier han.

• LES: Berget tre poeng i tolvte time

– Eg var sjølv tilstades då Start sikra opprykk i 1999 på dramatisk vis, mot Strømsgodset på Marienlyst i Drammen. Eg gler meg. Det er alltid gøy å kommentere fotballdramatikk direkte på radio, seier Raustøl.