NRK Meny
Normal

Bodø knuste ØIF Arendal

Handballklubben ØIF Arendal fekk ein dårleg start på sluttspelet. Arendalittane reiser heim frå Bodø med stortap i bagasjen.

ØIF Arendal

Eirik Heia Pedersen og ØIF Arendal fekk det knalltøft mot Bodø og tapte til slutt 21–33.

Foto: NRK Sorlandet / NRK

Eliteserieklubben tapte nemleg heile 21–33 i den første sluttspelkampen.

– Vi vart regelrett slått av eit mykje betre handballag, seier sportsleg leiar Per Carsten Michelsen til NRK.

Sørlendingane kom skeivt ut allereie frå start i Bodø spektrum og låg under med seks mål før ti minutt var gått.

– Vi har mange skader og sleit med å komponere eit lag. men vi hadde venta og ønskt oss betre enn dette, seier Michelsen.

Allereie søndag møter ØIF Bækkelaget heime i Sør Amfi. Då ventar han at laget tek seg saman og reiser seg etter stortapet.

Han understrekar også at laget framleis har gode moglegheiter til å ta seg vidare til semifinale i sluttspelet.

– I fjor tapte vi dei to første kampane i gruppespelet og klarte likevel å gå vidare. Då nådde vi også finalen til slutt. Her er det ingenting som er køyrt. Eg trur vi kan reise kjerringa allereie mot Bækkelaget til helga, seier han.