Begge står med 16 nettkjenningar før søndagens siste runde. Årst er særs sugen på å stikke av med tittelen årets toppscorar, og det på eit lag som allereie er klar for nedrykk.
- SJÅ: Alt om eliteserien
– For å vere heilt ærleg, så hadde det faktisk betydd ein god del. Eg legg ikkje skjul på det. Ein spiss ynskjer å score flest mogleg mål. Slik situasjonen er no, ynskjer eg å nå til topps, seier Årst til ikstart.no.
Vil rappe straffe
Ifølgje nettstaden må vi 25 år tilbake i tid for å finne Start sin førre toppscorar i eliteserien, då Tore André Dahlum scora heile 20 mål.
– Eg kunne svært gjerne tenke meg å stå øvst på lista, og då vil det for alltid stå Start bak namnet. Då har vi i alle fall noko frå denne sesongen, seier han.
Nettstaden kjem med to moglege episodar Årst kan hamne i når Tromsø gjestar Sør Arena søndag. Han får spørsmål om han vil rappe ballen om Start får straffe på 3–0.
– Ja, leiar vi 3-0, så gjer eg heilt klart det, seier han.
Spelar mot nyeklubben
Den andre er om han vil «stele» scoringa til Espen Hoff dersom ballen trillar mot mål og han har moglegheit til å rekke ballen.
– Så spurtar eg. Espen har heldigvis bikka 10 mål, seier han.
Det vil uansett bli ein spesiell kamp for Årst søndag. Han spelar sin siste kamp i gult og svart. For spissen har allereie skrive under for Tromsø, søndagens motstandar. Det blir Årst sin tredje periode i Tromsø.
Samstundes kan Årst vere med på å stikke kjeppar i hjula for Tromsø i medaljekampen. Dersom Start slår Tromsø og både Brann og Odd Grenland skulle vinne, vil Tromsø bli nummer fire.