Melodi Grand Prix-klubben på nrk.no er særs positive til både sangen og framføringa.
– Ei låt av topp Løvland-kvalitiet og det er i grunn veldig lite å setje fingeren på når det er snakk om Maria si tolking av denne låta. Trygg og flott framføring og fin kjole også, står det i bloggen.
Saman med Alexander Stenerud gjekk Arredondo
. Sørlandet sitt andre håp, Venke Knutson, kvalifiserte seg til Sistesjansen 30. januar med sangen «Jealous Cause I Love You».Sammanlikna med Céline Dion
Også VG-kommentator Stein Østbø vart imponert over Arredondo.
– Det er neppe mange som er ueinige i at Maria Arredondo i går sang på seg eit favorittstempel, skriv han i ein kommentar i dag.
– Eg klarte heller ikkje å lausrive meg frå eit indre bilete av ein annan Grand Prix-vinnar då Maria Arredondo sang, nemleg Célin Dion. Likheten i stemme og til dels utsjånad er slåande. Etter at kanadiske Céline Dion vann for Sveits i 1988, flytta ho frå franskspråklege Quebec, tok engelskkurs i USA og skifta image radikalt. Sidan har ho selt over 100 millionar plater. Eg seier ikkje meir, skriv Østbø.
Til topps?
Dagbladet-kommentator, Anne Gunn Halvorsen, er mest oppteken av at balladene for første gang på fleire år var i fleirtal under fjorårets internasjonale finale, og at det kan vere ein fordel for Arredondo sitt bidrag, dersom ho skulle gå heilt til topps i den norske finalen.
– Bak Noreg og Alexander Rybak, kom Island med ein ballade framført av ei nordisk kvinne i blå gallakjole, blått lys og med utslått blondt hår og elegant cellist. I år er det ikkje utenkeleg at Europa stemmer noko slikt heilt til topps, skriv ho i ein kommentar.
– Kan gå heile vegen
Også kulturmeldar i Fædrelandsvennen, Rune Lyngstad, har stor tru på at Arredondo kan vinne den norske finalen med «The Touch».
– På scena løfta Maria Arredondo låta opp eitt nivå med sterk vokal og flott framføring. Låta høyres litt gjennomsnittleg ut til å begynne med. Men den veks. Dette kan gå heile vegen og til deltaking i den internasjonale finalen, skriv han.