Mannen ligg no på Haukeland universitetssjukehus i Bergen der han får behandling.
Fredag føremiddag melder sjukehuset at mannen får behandling for alvorlege brannskadar.
Naudetatane rykte ut til huset ved 15-tida torsdag etter melding om brann. Politiet opplyste til NRK at mannen vart lagt i narkose kort tid etter hendinga som følgje av skadane.
Ifølgje politiet starta brannen i kjellaren i huset. Brannvesenet fekk raskt kontroll over flammane.
Politiet opplyser at det dreiar seg om ein kommunal bustad.
Brannårsaka er førebels ikkje kjent.
– Krimteknikarar er varsla og skal undersøke åstaden. Det vil mest truleg ikkje skje før etter påske, seier jourhavande politijurist Hellek Rue til NRK.