Firehjulingen tippa rundt då han køyrde opp ein bratt bakke.
– Han er alvorleg skada og er send til sjukehuset i Arendal, seier innsatsleiar i politiet, Nils Erik Usterud til NRK.
Mannen var bevisst då han fekk hjelp av ambulansepersonell. Han er ikkje livstrugande skada.
Seint tysdag kveld vart mannen flydd til sjukehus i Oslo med ryggskader. Tilstanden vart då beskrive som alvorleg, men stabil.
I tillegg til føraren var det også ein annan mann som var passasjer på firehjulingen.
– Ulykka skjedde då han køyrde opp ein bratt bakke og tippa over. Passasjeren klarte å komme seg vekk i tide, seier Usterud.
Passasjeren var uskada og fekk varsla politiet.
Politiet fekk melding om ulykka ved 17-tida tysdag ettermiddag. Dei har no sett i gang etterforsking.