Ifølgje Lindesnes Avis var kvinna ute på ein spasertur i desember i fjor då den spesielle episoden fann stad.
Hadde «dårleg dag»
Ein skarp lyd gjorde at kvinna kasta blikket opp på ein veranda. Der stod 25-åringen som sa at ho ikkje måtte sjå på han. Like etter kasta han ei 1,5 liters colaflaske rett mot kvinna. Heldigvis trefte ikkje flaska kvinna.
I retten forklarte mannen at han «hadde ein dårleg dag», og vart særs sint då ein person, som han trudde var ein mann, stod og såg på han.
– På bakgrunn av krafta i kasta og vekta til flaska, finn retten at flaska anvendt på denne måten må karakteriserast som eit særs farleg reiskap. Vidare finn retten at handlinga var fullstendig uprovosert, står det i dommen.
Rusproblem
Ifølgje avisa skal 25-åringen i lengre tid ha hatt eit rusproblem.
Mannen vart også dømd for å ha stole ei datamaskin og to bankkort. 25-åringen vart dømd til samfunsstraff i 240 timar, med ei gjennomføringstid på ni månader.
Mellom 2000 og 2009 er mannen domfelt fire gonger.
