– Dette har eg vore med på før, men akkurat i dag er det kjekkare enn eg tykkjer det har vore før, seier Ruthford Pedersen til NRK.no.
- LES: Letta etter Start-opprykk
- Galleri: Sjå bilete frå opprykksfesten
Keepertrenaren har vore med klubben i ei årrekkje og har opplevd ei rekkje opp- og nedrykk i gult og svart.
– Det er ein ny æra som ligg føre oss. Slik vi har komme oss gjennom 1. divisjon gjer noko med meg. Det har vore eit slitsamt år, men det er jaggu så fortjent, seier han.
– Brutal prosess
Sørlendingane sikra opprykket med 1-0 siger på heimebane. Keepertrenaren ser eit stort potensial i laget. No kan både han og klubben leggje bak seg eit turbulent år med store økonomiske kutt.
– Vi har gått gjennom ein ganske brutal prosess i klubben. Vi har gått ned i løn, men klarte det. Gutane, apparatet og klubben har stått meir saman enn nokon gang, seier han.
– Vi har eit anna grunnlag å jobbe vidare med. Eg trur det er sunt for norsk fotball og for oss. Det gjer meg litt ekstra glad, seier han.
JUBEL: Erik Ruthford Pedersen feira saman med Start-fansen etter kampen.
Foto: Sander Heggheim/NRKTrur på suksess
I 2004 var han med på opprykk til eliteserien. Året etter var han med på å ta sølv i norges øvste divisjon.
– Årets lag er blant dei sterkaste vi har rykt opp med. I 2004 var det eit nytt lag med mange talent som slo til så det suste og tok sølv året etter, seier han.
– Eg seier ikkje at det kjem til å skje igjen neste sesong, men eg tykkjer vi har eit godt lag og vi har eit godt grunnlag å jobbe vidare med, seier han.
