Avisa viser til kjelder nær fotballklubben Odd der Sandstø i dag er spelarutviklar.
NRK har førebels ikkje lukkast med å komme i kontakt med Sandstø.
Sandstø har tidlegare trent Start, Løv-Ham, Sandefjord og Notodden.
Vil ikkje kommentere
– Eg har ingen kommentar til det per no. Vi er einige med klubb og trenar om at vi kjem ut med dette i morgon klokka halv eitt. Det er fordi vi må klarere ein del ting internt i begge klubbar, seier sportsleg leiar i Jerv, Cosmo Collett til NRK.
– Så dette er ein trenar som er under kontrakt med ein annan klubb?
– Dette er ein trenar som jobbar i ein annan klubb, seier han.
1. divisjonsklubben har jakta ny trenar etter at Steinar Pedersen forlet klubben til fordel for Start rett før jul.
Leita også utanlands
Ifølgje Collett har klubben leita både i Norge og i utlandet etter ny trenar. Ifølgje TV2 skal Petter Belsvik ha vore ein av kandidatane til å ta over klubben som spelte kvalifisering til eliteserien denne sesongen.
– Vi har brukt mykje tid og har jobba med tre-fire kandidatar dei siste ti dagane. Vi har vi landa på ein trenar som vi er veldig nøgde med, seier han.
– Har de fått førstevalet dykkar?
– Vi har vurdert mange gode trenarar. Dette er absolutt valet vi ville falle på. Vi er veldig nøgde med det som kjem ut til folket i morgon, seier Collett.
