– Mange slepp unna med promille

– Blant anna i Arendal er det ei Facebook-side som seier når politibåten er ute og inne, seier Ove Austenaa, som er ansvarleg for politiet sitt arbeid til sjøs.

Har teke 25

– Folk spekulerer bevisst i dette. Det veit vi, seier han.

• LES: Fire personar redda etter båtulykke

Trass i redusert politiberedskap denne sommaren, er 25 båtførarar tekne med promille.

– Vi har hatt to stygge båtulykker i Risør- Tvedestrandsområdet. I alle fall den eine var ein kombinasjon av båt, promille og fart. Det høyrer jo ikkje saman, seier han.

– Store mørketal

– Eg tykkjer 25 er ganske høgt teke i betraktning den overvakinga vi har på sjøen i sommar, seier han til NRK.no.

• LES: Leteaksjon etter båtulykke

Austenaa trur det er mange som slepp unna med promillekøyring.

– Det er store mørketal altså. Hadde vi hatt mykje ressursar hadde tala vore langt høgare, seier han.