Skal leggje plan for å hindre valdtekter i norske byar

Fredag skal fleire storbyar møtast for å leggje strategien mot slike overfall.

– Eg trur vi kjem til å anbefale alle lokale å sjå på dei erfaringane ein har gjort seg blant anna i Stavanger, seier Storberget til NRK.no.

23 kvinner melde overfallsvaldtekter i Stavanger i 2009. Året etter var talet null. Storberget meiner at også andre norske kommunar, som har opplevd overfall den siste tida, kan ha ein nullvisjon.

– Nullvisjon

– Stavanger er eit bevis på at det er fullt mogleg å ha ein nullvisjon på dette, seier han.

Så langt i år er rundt 30 valdtekter melde til politiet i Norge. For to veker sidan vart det meldt inn sju valdtekter ulike stader berre i løpet av ei helg.

• LES: – Trist at valdtekter skal lamme ein heil by

Politiet etterforskar no valdtekter i både Stavern, Karmøy, Suldal, Orkanger, Kristiansand, Selbu og Røros.

Fredag skal justisministeren møte leiinga rundt ti norske byar justisministeren. Beskjeden frå Storberget er klar: politikarane skal ha alle gruppe på bana - også innvandrarorganisasjonane.

Ber alle ta ansvar

– Eit klart råd for oss er at alle kommunar er veldig tydlege på korleis bilete ser ut, og at vi ikkje let nokon sleppe unna i den forstand at alle må ta ansvar, seier Storberget.

Førstestatsadvokat Bjørn Kristian Soknes har tidlegare kritisert kvinner for å melde valdtektene for seint. I førre veke vart blant anna ei valdtekt i Kristiansand, som skjedde 29. mai, meld til politiet.

• LES: Etterforsker tre voldtekter i Trøndelag

– Ein god del av meldingane får politiet lenge etter at valdtekta skjedde. Det skapar store problem for etterforskinga, sa han.

– For etterforskinga er det alfa og omega å vere tidleg ute med å sikre spor. På dette området er startmotoren framleis for treg, sa han.

Sivile spanarar

Politiet i Oslo er positive til å sjå arbeidsmetodane til politiet i Stavanger når det gjeld overfallsvaldtekter.

– Nokre av tiltaka som vart gjort i Stavanger kan vere aktuelle å overføre til Oslo, seier politioverbetjent Kari-Janne Lid til NRK.no.

Blant tiltaka Stavanger-politiet sette i verk var å ta kontakt med utestader for at dei tilsette skulle følgje med på menn som sirkla rundt einslege jenter. I tillegg sette dei inn sivile spanarar i Stavanger sentrum.

– Vi har konkrete døme på overfallsvaldtekter som har vore avverga, nettopp på grunn av slike spanarar, seier etterforskingsleiar i Stavanger-politiet, Kristian Johansen.

I tillegg tok dei kontakt med fleire kommunale etatar.

– Det er viktig å informere folk om norske reglar og norsk kultur for å forhindre denne typen valdtekter, seier han.

Overfall skapar frykt

I Kristiansand skapte tre overfall overfall i løpet av få dagar frykt blant jenter i byen.

– Eg føler meg ikkje tygg når eg går i byen. Det er ubehageleg eigentleg å vite at slikt kan skje, seier Maren Larsen.

– Eg prøver å ikkje vere aleine og vere saman med nokon når eg går heim frå byen, seier Maria Kjosaas Berge til NRK.no.

• LES: – Meld valdtekta med ein gang

Seinast førre fredag vart ei 15 år gammal jente forsøkt lokka inn i ein bil i Vågsbygd i Kristiansand.

– Det er veldig trist at mange går rundt og er redde og ikkje torer å gå ut. Dei tek ansvar for den kriminelle si åtferd og det tykkjer eg er heilt forferdeleg, seier nestleiar ved krisesenteret i Kristiansand, Tove Hægg Versland til NRK.no.