– Det er ekstreme forhold. Det er svingete, du har fjell som stikk ut, lause kantar og raske parti, seier Sørensen til NRK.
– Farten varierer frå 200 til ned i 50 kilometer i timen. Går det gale blir det dyrt, ler han.
Minimale skader
Men han påpeikar at sikkerheita er godt ivareteken. Difor er han ikkje redd for å pådra seg skader når han sit bak rattet i helga.
– Vi sit veldig sikkert så skadane er minimale ved ein kraftig krasj, men det blir som sagt dyrt, seier han.
– Kva mål har du i år?
– Målet er å komme i mål. Men vi prøver å hevde oss blant dei ti beste i klassen, men det er ein tøff klasse, seier Sørensen som har vore med i løpet sidan 2005.
Lovar fartsshow
Ein av personane bak Rally Sørland jobbar intenst for å få alt klart til både førarar, kartlesarar og publikum. Han lovar eit forrykande show.
Kring 100 rallyførarar stiller til start i Mandal.
– Det blir fartsshow gjennom heile helga. Eg trur det vert ei stor oppleving, seier Sveinung Valand.