– Vi er i såpass god form og laget har mange spelarar som har funne forma. Då trur eg Sarpsborg får det vanskeleg, seier kantspelar Espen Børufsen til NRK.
Start har vunne sine fire siste kampar. Førre helg slo dei Tromsø 3–2 på bortebane. Det gjorde at sørlendingane fekk eit lite pusterom frå nedrykksstriden.
– Sjølvtilliten er tilbake
– Her heime har vi levert nokre kjempegode kampar og vi satsar på å gjere det same no, seier Børufsen.
Espen Hoff peikar på at laget har fått tilbake sjølvtilliten etter dei gode resultata i det siste.
– No har vi fått struktur i laget som er god og som har vore god over lang tid. Vi har spelt på oss sjølvtillit og har endeleg fått litt flyt i spelet, som vi har ynskt tidlegare i år, men ikkje har fått til, seier Hoff.
Midtstoppar Jesper Mathisen håpar på mykje folk på tribunane i kampen som kan sikre ny eliteseriekontrakt.
Håpar på mange tilskodarar
– Vi er eit betre lag. Vi har eit høgare toppnivå og er i betre form enn Sarpsborg. Vi spelar heime føre mykje folk og det var ufatteleg gøy mot Sogndal. Det blir veldig gøy søndag også håpar eg, seier Mathisen.
Mot Sogndal vann Start 2–0 med over 10 000 tilskodarar på tribunane.
– Vi er eit betre lag og denne kampen viktig for oss. Med fulle tribunar kan det gå vår veg. Vi må fikse dette, seier toppscorar Matthias Vilhjalmsson.