NRK Meny
Normal

– Dette blir stort for klubben

Arendal Fotball gler seg enormt til 1. divisjonsklubben kan innvie sitt nye stadion.

Dagleg leiar i Arendal Fotball, Bård Sterk Hansen, gler seg enormt til 1. divisjonsklubben kan innvie sitt nye stadion.

Dagleg leiar i Arendal Fotball, Bård Sterk Hansen og stadionansvarleg Per Carsten Michelsen gler seg til den nye arenaen er klar i sommar. FOTO: SANDER HEGGHEIM/NRK

– Det blir heilt fantastisk å komme hit. Vi gler oss til å ta imot gjester og publikum, seier dagleg leiar Bård Sterk Hansen til NRK.

3. november i fjor offentleggjorde klubben skisser av sitt nye stadion på Bjønnes.

Bjønnes stadion

Slik såg stadion ut 21. april. Kunstgraset som ligg no skal fjernast og erstattast med nytt. Den nye bana vil også bli noko større enn dagens.

Foto: Sander Heggheim / NRK

No har anleggsmaskinene innteke stadion.

Dette skal gjerast

I løpet av drygt tre månader skal nytt kunstgras med undervarme leggast.

Ei ny tribune på den ein langsida skal reisast. I tillegg skal det settast opp tribunar på kortsidene.

Det skal også installerast flaumlys, og ein brakkerigg som skal huse kontor og VIP-gjester på kampdag.

– Eg trur det blir ein kjempefin stadion. Vi får ein skikkeleg fotballstadion. Ikkje eit friidrettsstadion, seier han.

Prislappen er på kring 40 millionar kroner. Styreleiar og hovudsponsor Jan Sigurd Otterlei har spytta inn ein vesentleg sum i prosjektet.

– Om vi hadde fått det til utan han er vanskeleg å seie. Det hadde blitt veldig, veldig mykje vanskelegare, seier Hansen.

Arendal Fotball er klare for førstedivisjon, men mangler stadion. Nå kan de få en ny stadion på Bjønnes til 30 millioner kroner.

– Medaljane kom på rekke og rad

Per Carsten Michelsen er stadion- og arrangementsansvarleg i Arendal Fotball. Han jobbar også i ØIF Arendal, ein klubb som flytta frå vesle Nedeneshallen til Sør Amfi for nokre år sidan.

– ØIF tok eit kvantesprang. Vi flytta frå ein normal norsk idrettshall til ei skikkeleg storstove. Medaljane kom på rekke og rad, og vi er med i sluttspelet i år også. Ein ny arena vil bety enormt, seier Michelsen.

– Du får ei skikkeleg leikegrind og skal lage eit heimefort. Gode vilkår gjer gode resultat, seier han.

Planen er at Arendal skal innvie den nye stadion mot Åsane 30. juli.

Til no har poengfangsten i 1. divisjon vore mager for den nyopprykka klubben. Null poeng på dei tre første kampane er status så langt. Søndag tek dei imot Florø på Myra stadion.

– Vi har vore litt uheldige og litt udyktige. Men mot Florø kjem trepoengaren, seier dagleg leiar Bård Sterk Hansen.

Sprenging på Bjønnes stadion

Det pågår sprenging på stadionområdet. Her fyrer dei av ei salve.

Foto: Sander Heggheim/NRK