Start tapte 1–2 mot Odd på Sør Arena søndag kveld. Tapet fører seg inn i rekkja av dei 34 strake eliteseriekampane utan siger for Kristiansandslaget.
Start-trenar Steinar Pedersen vil ikkje svare på korleis laget hadde klart seg i førstedivisjon.
– Skal eg svare på det? Det var eit veldig hypotetisk spørsmål.
- Les også:
– Har allereie rykka ned
Odd-trenar Dag-Eilev Fagermo er ein av fleire som meiner at Start ikkje lenger har moglegheit til å overleve i eliteserien.
– Det er for langt opp, og laga framfor tek poeng no. Det er tøft i botn, seier Fagermo.
– Start er for langt unna, så dei har allereie rykka ned.
Sist Start tok meg seg tre poeng i eliteserien var etter 4–1 sigeren på heimebane mot Stabæk 4. juli i fjor.
Ikkje einig i kritikken
– Vi ligg der vi ligg, og om Fagermo meiner vi ikkje er gode nok for eliteserien så må han få lov til det.
Det seier Start-trenar Steinar Pedersen.
Fagermo meiner Start berre var ute etter å forsvare seg i søndagens kamp. Det er ikkje Pedersen einig i.
– Vi ønskjer å angripe, kontre, vere offensive og skape sjansar. Det er ikkje så mange år sidan Odd var i ein tøff situasjon sjølv. Vi går sjølvsagt ikkje på banen berre for å forsvare oss. Vi har vår måte å angripe på i den situasjonen vi er i.
– Kunne skapt meir trøbbel
Han skulle ønskje laget kunne utfordra Odd endå meir enn det dei gjorde.
– Eg skulle ønskje vi var endå tryggare og betre med ball i eige lag, og at vi fekk brukt den endå vassare for å få skapt fleire sjansar. Då kunne vi skapt endå meir trøbbel for Odd.
Ein gjennomgang NRK har gjort av tabellsituasjonen etter 19 serierundar viser at Start har den dårlegaste poengfangsten etter 19 serierundar dei siste 20 åra.
– Det har eg ikkje nokon kommentar til utover at vi jobbar på med vårt, seier Pedersen.
- Les også: