– Blir skuffa om kvaliken ryk

Før siste serierunde i 1. divisjon ligg FK Jerv på kvalifiseringsplass. Klubbens toppscorar Ohi Kwoeme Omoijuanfo vedgår at han blir særs skuffa om kvaliken ryk.

Før siste serierunde i 1. divisjon ligg FK Jerv på kvalifiseringsplass. Klubbens toppscorar Ohi Kwoeme Omoijuanfo vedgår at han blir særs skuffa om kvaliken ryk.

Sjå intervju med Ohi Kwoeme Omoijuanfo og Steinar Pedersen.

  • Sjå intervju med Steinar Pedersen og Ohi Kwoeme Omoijuanfo øverst

– Vi har gjort ein god sesong der ingen hadde trudd at vi skulle vere der vi er. Eg blir skuffa om vi ikkje tek kvaliken no. Det er målet, seier midtbanespelaren til NRK.

Klubben har gått frå 3. divisjon til 1. divisjon på to år. No kan sørlendingane vere på veg mot eliteserien i rekordfart. Då må nedrykkstruga Follo slåast på heimebane søndag.

– Vi er sjølvsikre etter fleire gode kampar, så eg er ikkje noko nervøs før denne kampen, seier Omoijuanfo.

Med uavgjort mot Follo er Jerv sikra kvalifiseringsplass. Med siger kan klubben kapre 3. plassen. Med tap kan i verste fall kvalifiseringsplassen ryke.

– Vi er fast bestemt på å prestere. Vi har sett oss sjølve i ein situasjon som gjer at vi er der oppe og kjempar om ein av fire plassar som førar til kvalik. Vi gler oss masse, seier trenar Steinar Pedersen.

– Det er ei fantastisk ramme rundt kampen. Eitt lag kjempar om kvalifiseringsplass og det andre kjempar om å berge plassen. Det blir ein tett fight. Eg håpar på masse folk, seier Pedersen.