Ifølgje TV2 skal Ajer til Skottland tysdag for å sluttføre ei avtale med Ronny Deila sin klubb. Ajer sjølv stadfestar dette overfor Fædrelandsvennen.
– Ja, eg reiser ned i morgon og klubbane er einige. Så skal vi sjå på avtala mi og den medisinske testen. Det er fantastisk stort for meg, seier han til avisa.
Even Øgrey Brandsdal er administrerande direktør i Start.
Foto: Sander Heggheim/NRKDet internasjonale overgangsvindauget er stengt.
Det betyr at midtbanespelaren til Celtic først i sommar.
Vil ikkje kommentere
Administrerande direktør i Start, Even Øgrey Brandsdal, vil ikkje stadfeste at Kristoffer Ajer er klar for Celtic.
– Vi har ikkje behov for å kommentere spelarlogistikk, seier Brandsdal til NRK.
NRK har forsøkt å komme i kontakt med Ajer sin agent, Tore Pedersen, uten å lukkast.
Same dag som overgangsvindauget stengde stadfesta Ajer sjølv at dei to klubbane var i dialog om ein overgang.
Trena med Celtic
Tidlegare i vinter var Ajer på treningsopphald med den skotske seriemeisteren.
Ajer spelte 90 minutt for det norske G19-landslaget på La Manga måndag. Norge tapte 1-2 for Portugal. Start-spelar Mathias Rasmussen scora det norske målet. Dette var hans tredje mål på tre kampar for landslaget.
Ajer kom til Start frå Lillestrøm i 2014. 17-åringen vart tidenes yngste kaptein i eliteserien då han leia Start mot gamleklubben i fjor.
Sjå intervju med Kristoffer Ajer same dag som overgangsvindauget stengde.
