22-åring dømd for vald mot Gimmestad

I tingretten vart gjerningsmannen dømd til seks månaders fengsel.

I mars i 2014 slo 22-åringen eit ølglas i ansiktet på Gimmestad. 2 .divisjonsspelaren var nær ved å miste synet på begge auga.

Etter å ha fått behandling på sjukehus beheldt han synet på det eine auget, medan han hadde 50 prosent syn på det andre.

Simen Gimmestad døydde i desember i fjor. Han vart 25 år gamal. Dødsårsaka var truleg eit epilepsianfall. Difor vart det foreldra som møtte i retten for å representere sonen.

Kom tilbake på fotballbana

Gimmestad sa tidleg at han var fast bestemt på å komme tilbake på fotballbana sjølv med kraftig nedsett syn.

Tre månader etter valdsepisoden var han tilbake på bana då Vindbjart møtte Notodden på heimebane.

– Det var veldig rørande å komme inn. Eg fekk ein fin gest av publikum, og det var veldig moro, sa Gimmestad til NRK etter comebacket.

Døydde i desember

I dommen legg lagmannsretten vekt på at skadene raskt kunne ha blitt langt verre enn dei vart.

22-åringen erkjente straffeskuld, men hevdar han hugsar lite frå sjølve valdshandlinga.

I tillegg til fengselsstraff må gjerningsmannen betale 100 000 kroner i oppreising til foreldra til Gimmestad.