18-åring omkom etter eksplosjon

Det opplyser Oslo universitetssykehus.

• LES OGSÅ: Trykket stemning på Xstrata
• LES OGSÅ: Livstrugande skada etter eksplosjon
• LES OGSÅ: Flere personer skadd i eksplosjon

18-åringen pådrog seg hovudskader då det eksploderte i ein av ovnane ved nikkelverket i Kristiansand. Mannen vart raskt send til sjukehuset i Kristiansand. Kort tid etter vart han floge med helikopter til Oslo.

Skal finne årsaka

Politiet jobbar no med å finne årsaka til eksplosjonen. Både Arbeidstilsynet og krimteknikarar frå politiet er på plass.

Ingen er blitt suspendert frå jobben etter hendinga.

– Det er for tidleg. No føregår det ei intern gransking av dette. I tillegg er politi, arbeidstilyn og andre eksterne aktørar inne i bildet for å sjå om dei kan djupare inn i årsaksanalysa, seier hovudtillitsvald for dei tilsette, Harald Hageland til NRK.no.

To andre personar vart påført lettare skader i eksplosjonen. Den døde 18-åringen og dei to andre jobba ikkje fast ved Xstrata nikkelverk. Dei tre jobba for eit innleigd firma.

Allte rutiner fulgt

Ifølgje hovudverneombod, Roy Knudsen, vart alle rutiner fulgt i samband med eksplosjonen. Det interne brannvesenet ved bedrifta var på plass allereie to minutt etter eksplosjonen.

– Dei har oppført seg profesjonelt. Alt har gått etter planen. Det har vore eit godt samarbeid med brannvesenet. Alt har vore optimalt, sa han i går.

Situasjonen vart lenge omtala som kaotisk. Røykdykkarar frå brannvesenet gjekk gjennom produksjonshallen for å leite etter fleire.

Eksplosjonen skjedde ved «porten» til Vågsbygd, som er ein dei største bydelane i Kristiansand.