NRK Meny
Normal

18-åring kan få eliteseriedebut

Skadeproblem i forsvar gjer at Start-trenar Knut Tørum vurderer å bruke 18 år gamle Espen Knudsen frå Start i morgondagens kamp mot Tromsø.

Knut Tørum
Foto: Solum, Stian Lysberg / SCANPIX

Både Bård Borgersen og Clarence Goodson står i fare for å miste Tromsø-kampen på grunn av skade og sjukdom.

Knudsen eller Haraldsen

– Sjansen for å få tillitt er jo større no som både Bård og Clay er usikre, og det hadde vore veldig moro å få prøvd seg, seier Knudsen til ikstart.no.

Under gårsdagens trening vart både Espen Knudsen og Knut Henry Haraldsen prøvd ut på midtstopparplass.

– No må vi først sjå an om dei som er usikre blir speleklare, men dersom ikkje så har vi alternativ i Espen og Knut Henry. Dei er to veldig forskjellige spelarar. Espen har sine styrker i fart og pågangsmot, medan Knut Henry har sine styrker i rutine og hovudspel. Det blir eventuelt eit vanskeleg val, seier Tørum.

Tørum imponert

Tøum er imponert over utviklinga til Espen Knudsen denne sesongen.

– Han har teke store steg denne sesongen. Han har utvikla seg på mange område som fotballspelar, og det er viktig for sjansen hans her i Start, seier Tørum.

– Eg blir ikkje skuffa dersom eg ikkje får starte. Men eg meiner at eg har hatt ein bra sesong og stigande formkurve. Eg står på både på treningar og i kampar med Start 2, så får eg berre håpe at sjansen byr seg også for førstelaget etterkvart, seier ungguten.