Hugs å bruke togvett
Planlegg du å møte opp på perrongen? Vil du vinke når Sommertoget køyrer forbi? Då kan det vere lurt å lese gjennom Bane NOR og NSBs togvettreglar:
- Hugs at andre tog køyrer som normalt, både gods- og persontog. Og desse toga køyrer fort og stille.
- Det er forbode å gå i togsporet og å krysse sporet.
- Det går 15 000 volt gjennom køyreleidningane. Difor utgjer alt som går i høgda ein fare, og det er ikkje tillate med lange og høge gjenstandar nærare enn 30 meter frå togspor, køyreleidningar og master.
- Ballongar og anna som kan flyge av garde skal ikkje brukast i nærleiken av stasjonar eller langs sporet. Ein heliumballong som treff ein køyreleidning kan føre til kortslutning og stans i både TV-sendingar og togframføringar.
- Bruk av dronar i og rundt stasjonar og togspor SKAL godkjennast av Luftfartstilsynet og Bane NOR. Om slik løyve er gitt skal ikkje dronar nyttast nærare enn 150 meter frå jernbanespor og stasjonsbygning.
- For spørsmål, ta kontakt med NSB. Sjå kontaktinformasjon under.
