Tre vogntog kom seg ikkje av flekken

Fire vogntog har i ettermiddag fått problem på veg opp og ned Strynefjellet.

Eit vogntog hamna i grøfta på veg nedover mot låglandet, medan to framleis ikkje har gjeve opp å komme seg over fjellet.

• SJÅ: Slik ser det ut på vegane no
• SJÅ: Oppdatert vêrmelding frå yr.no

– No står det to i vegen og ein som har teke kveld på parkeringsplassen ved bommen på Skåre. Han strevde ei stund, men gav seg fort og parkerte, seier brøytebilsjåfør Birger Skåre.

Har ikkje boggie

Føret som blir skildra er vinterføre, men både Skåre og fleire trafikantar meiner at det ikkje er særskilt glatt på den aktuelle stigninga.

• LES OGSÅ: Stod fast i fem timar - får 10.000 kroner i bot

Samtlege vogntog som i dag har fått problem over Strynefjellet har vore utanlandske. Dei har ikkje hatt boggi og ikkje hatt kjettingar. Andre vogntog, både norske og utanlandske, har kome seg opp både med og utan kjettingar.

• LES OGSÅ: EU-direktiv kan skape trafikkaos på vinterveiene
• LES OGSÅ: - Det er «hol i hovudet-politikk»

(Artikkelen held fram under videoen)

– Men desse har boggi som gjer at ein får meir tyngde på drivhjula når ein løfter boggien. Når ein også har treaksla tralle, og løfter den fremste akslingen, så får ein endå meir tyngde, seier Skåre.

20 tonn sand

Skåre har køyrt strekkja i heile dag og har brukt ei halv strøsandkasse på dei utanlandske vogntoga som har stått faste.

• LES OGSÅ: – Ikkje rart det går gale når dei manglar både utstyr og kjettingar

– Det er vinterføre, men eg har snart hatt på 20 tonn sand på denne korte strekkja. Det har snødd i tillegg, så ein del av det som blir strødd på blir brøyta vekk etterkvart. Men når det er trafikk og folk står faste, så må ein berre brøyte, seier Skåre og håpar det blir betre når vêret no klarnar opp.

Berre utanlandske

Operatør Ketil Molvær hos Vegtrafikksentralen i Lærdal opplyser at dei har fått fleire telefonar om store køyrety som har hatt problem på glatta.

• SJÅ: Oppdaterte vegmeldingar frå Statens vegvesen

Alle skal vere utanlandske.

• LES OGSÅ: Fekk låne kjettingar - kom seg til slutt laus

– Vi har vel fått melding om borti ti ulike vogntog, men ikkje ei melding gjeld norske vogntog med problem. Mellom anna fekk vi melding om eit utanlandsk vogntog som kom på feil side opp Sogndalsdalen, seier Molvær.

Alle strøbilar er ute

– Eg skjønar godt at folk kan bli livredde når dei møter vogntog på feil side på ein svingete veg. Det er ikkje berre berre å stogge eit vogntog på 40-50 tonn, legg Molvær til.

• LES OGSÅ: Bilbergar oppmodar vogntog om å ta på kjetting

Snøfallet tysdag har ført til fleire trafikkuhell og problem på vegane. Så langt har det heldigvis ikkje vore personskade.

• LES OGSÅ: Smell på smell med få minutts mellomrom

Vegtrafikksentralen har også fått melding om glatte vegar i Sunnfjord og noko i Sogn. I Sogndal og Balestrand skal alle saltbilane vere i sving.

– Problemet i dag er at ein ikkje kan salte fort tidleg når det regnar. Ein må vente til det byrjar å fryse på, men då skjer gjerne alt samstundes, seier Molvær.

NB! I 19.30-tida står framleis eitt av vogntoga fast på Strynefjellet. Det skal vere god passering på staden.