NRK Meny
Normal

Eit vogntog ligg i grøfta etter kvelv på E39

Ein betongbil har kvelva på E39 mellom Reed og Byrkjelo.

Lastebil i grøfta

KVELVA: Vogntoget ligg med alle hjula opp i lufta etter at det køyrde av vegen.

Foto: Marianne Ryssdal Sæther

Vogntoget er lasta med 30 tonn ublanda sement og ligg på sida utfor vegen.

– Det var ein mann i bilen, men han sat ikkje fast, opplyser Kjetil Drange på politiet sin operasjonssentral.

Føraren er no køyrt med ambulanse til sjukehus i Førde for observasjon, men skadeomfanget er førebels ukjent.

Trafikantar skal førebels kunne kome lett forbi staden.

– Bilen ligg utfor vegen så per no er det ikkje dei store problema med å kome seg forbi. Om bilberging kjem på staden kan det vere aktuelt å stengje ein kort periode, seier Drange.

Vogntoget ligg i grøfta rett etter ein skarp sving etter Byrkjelo sentrum i retning Sandane. Det har ikkje kome opplysningar om at skal vere utslipp frå køyretøyet.

Det skal ikkje vere mistanke om promille, opplyser politiet. Årsaka til hendinga er ukjend.

Første hybridferje er på plass på Anda-Lote