På nettstaden diskusjon.no fortel ein mann at han i 2009 fann det han bestemt meiner må vere eit såkalla vevlodd. Det er ein type stein som kvinner brukte når dei veva flotte tøystykke, og som ofte følgde kvinna med i grava.
Truleg frå kvinnegrav
På nettstaden skriv mannen følgjande:
«Jeg fann stenen litt utanfor en vei hjemme og jeg har en mistanke om at stenen kommer fra vegmassen som vart brukt under vegbyggingen siden det garantert ikke bodde folk her hjemme i jernalderen. Men vegfyllingen vart tatt fra en haug der det har fåregått mange arkeologisk oppdagelser. I nærheten av der massen er tatt er det blitt funnet en kvinnegrav fra jernalderen. I denne graven fann arkeologene slike vevlodd. Men dette er et halvt hundre år siden.»
- LES OGSÅ:
- LES OGSÅ:
Ville hatt den heime
Under spør han andre deltakarar i diskusjonsforumet om kva han bør gjere med steinen. Eit av alternativa er å selje den på verdas største auksjonsforum på internett, eBay. Dei som har svart på innlegget seier i klartekst det som lova seier, at dette er staten sin eigedom.
– Eg ville ikkje gitt han frå meg. Eg hadde løynd han heime, skriv ein annan av dei anonyme diskusjonsdeltakarane.
Ein annan debattant er noko meir dramatisk i si vurdering av steinfunnet:
«Grav den ned igjen eller føl jernalderfolkets vrede!»
– Staten sin eigedom
Men ein av landets fremste ekspertar på forvaltning av kulturminnelova er klinkande klar. Finn du noko slikt som til dømes ein eldgamal vevstein, så er det staten sin eigedom. Noko sal i innland eller utland er strengt forbode.
– Finn ein ting i bakken som er eldre enn 1537 er det jo staten sin eigedom i utgangspunktet. Då blir det jo då ulovleg ikkje berre å selje dei, men det å ha dei blir ein form for heleri i og med at det er ein annan mann sin eigedom, seier politioverbetjent Kenneth Didriksen i Økokrim til NRK.
- LES OGSÅ:
– Nokon må melde sakene
Han jobbar til vanleg i Miljøkrimavdelinga i Økokrim, og ser av og til saker som denne dukke opp.
– Det har vore nokon saker på dette med utførsel, og etterkvart også innførsel av kulturminner. Vi er litt avhengige av at nokon melder desse sakene, det vere seg enten tollvesenet eller dei som er mottakar av søknader om utførsel av kulturminner, seier Didriksen.
- LES OGSÅ: Mange skjuler funna dei gjer
Ærefullt i andre land
Han meiner at det lenge har vore ei anna haldning til dette her i landet, enn til dømes i Sør-Europeiske land der det å finne minner frå gamle tider blir sett på som ærefullt og med stoltheit.
– I den grad at nordmenn prøver å skjule ting, mure det inn eller gøyme det på andre måtar, så er det jo faktisk ei stolt historie som blir grave fram. I andre land blir det framheva som ei ære at nokon har funne slike ting. Så vi har ein lang veg å gå for å kome dit her i landet, meiner politimannen.