Ville ikkje rekne på flyplasskutt i E39-saka

Samferdsleminister Ketil Solvik-Olsen (Frp) ba om tal, men seier han til slutt la vekk reknestykket fordi Gloppen-ordførar Anders Ryssdal (Sp) var så negativ til ein slik tankegong då temaet vart kasta inn i E39-debatten .

• LES OGSÅ: – Betre veg kan opne for nedlegging

– Det har vore rekna på mykje, utan at vi har tal med to strekar under. Men eg merkar meg at ordføraren i Gloppen var ute og sa det var uaktuelt å ofre flyplassen i ein vegdebatt, seier han.

Bad om reknestykke

Midtre trasè ville gi 35 minutter mellom Anda og Hovden flyplass i Ørsta. Tal frå Vegvesenet viser at traseen ville kosta vel fire milliardar meir enn indre utan avrundingar og moms.

• LES OGSÅ: Regjeringa har bestemt seg - her skal E39 gå gjennom Nordfjord

Då ministeren bad Vegvesenet om reknestykket, viste tala at ei flyplassnedlegging kunne tilført prosjektet 2,5 milliardar kroner over 40 år . Men Solvik-Olsen droppa tanken fordi Ryssdal var så negativ.

– Så må eg berre tru at han snakka for eit fleirtal i sin kommune og sin region, seier statsråden.

– Merkeleg

Ryssdal meiner utsegnene frå Solvik-Olsen er merkelege, då departementet aldri spurte kommunen om saka. Det politiske miljøet i Gloppen og Eid var klar over at midtre trasè ville gi diskusjonar om nedlegging.

Men strategien i Gloppen var at Anda kunne overleve på bekostning av Hovden, fordi vegen over Sunnmøre mot Vigra også blir ferjefri.

– Det vil vere verdt å gjere ei vurdering av flyplasstrukturen, dersom vi hadde fått bru over Anda - Lote, seier Ryssdal.

Tolkar som freda

Regjeringa har i år bedt Avinor om å greie ut flyplasstrukturen på kortbanenettet .

LES OGSÅ: Regjeringa vurderer å kutte talet på flyplassar

Når ministeren freda Sandane lufthamn som ein del av ein vegdiskusjon, konstaterer Ryssdal tørt at han reknar med Anda vil overleve prosessen.

– Eg er glad han seier at Sandane lufthamn skal bestå. Eg tolkar det dit hen, avsluttar Gloppen-ordføraren.