Luster Energiverk og Luster kommune gjer no alt for å hindre at Småkraft får sleppe til på Veitastrond, men med solid kapital i ryggen skal vi vinne kampen, trur Husebø. Med gigantane Statkraft og BKK på laget har vi pengar nok å ta av, seier han.
– Bygg ut sjølv
Småkraft har planane klare for å bygge ut seks kraftanlegg, men både kommunen og Luster Energiverk vil no stikke kjeppar i hjula.
– Veitastrond har naturgitte føresetnadar for kraftproduksjon, og verdien av produksjonen i bygda er så stor at den bør grunneigarane byggje ut i eigen regi, meiner e-verksjef i Luster Energiverk, Svein Halveg. Han tilbyr å stille med aksjekapital dersom strendingane ikkje vil bruke eigne sparepengar på prosjektet.