Forsvarssjefen har gått inn for å leggje ned HV-11, Heimevernet si avdeling som dekkjer storparten av Sogn og Fjordane og Møre og Romsdal.
Protestane har vore mange, og etter romjulsorkanen har dei som kjempar for å oppretthalde avdelinga fått endå eit argument.
Soldatar frå Heimevernet har gjort ein betydeleg innsats for å rette opp skadane, argumenterer politikarane.
- LES OGSÅ:
- LES OGSÅ:
Det er dei som trår til når noko dramatisk skjer
Mannskap frå fem ulike heimevernområde har vore i sving med arbeid etter «Dagmar» sine herjingar. Seinast rett før helga var HV-soldatane med på å leggje ny straumkabel til Navelsaker i Eid.
Stortingsrepresentant Åge Starheim frå Framstegspartiet meiner romjulsorkanen syner kor viktig det er å oppretthalde eit fullverdig Heimevern, også lokalt.
KRITISK: Åge Starheim i Frp er kritisk til nedleggingsforslaget.
Foto: Brit Jorunn Svanes / NRK
VIL KJEMPE: Erling Sande i Senterpartiet seier dei vil jobbe for å styrke Heimevernet.
– Når det skjer noko drastisk og dramatisk, så er heimevernsstyrken veldig effektiv. Ikkje minst i forhold til at hurtig innkalling.
- LES OGSÅ:
- LES OGSÅ:
Vil ikkje påverke lokal innsats
Forslaget om å leggje ned HV-11 inneber at distriktskommandoen på Åndalsnes vert nedlagt, og flytta til Værnes.
Generalinspektøren for Heimevernet, Kristin Lund meiner ikkje forslaget vil påverke framtidig lokal innsats.
– Ein vil framleis ha dei områda der dei er i dag. Det er dei som er lokalkjende og har kunnskapen om desse stadane, seier Lund.
Forsvarssjef Harald Sunde sitt ønskje er at færre lokale offiserar i Heimevernet, vil gjere det lettare å få trent mannskapa til innsats. Ikkje minst til framtidas katastrofar.
Vil heller styrke Heimevernet
Men dette argumentet held ikkje for stortingsrepresentant Erling Sande frå Senterpartiet.
– Det blir eit paradoks at forsvarssjefen antydar at ein kan redusere heimevernet ytterlegare og sentralisere distrikta. Senterpartiet vil jobbe for at Heimevernet skal bli styrka, seier Sande.