NRK Meny
Normal

Vil truleg prøve å trekke båten av grunn i kveld

Reiarlaget vil truleg gjere eit forsøk på å trekke lastebåten «Selvaagsund» av grunn seint i kveld.

Selvaagsund

PÅ GRUNN: Lastebåten «Selvaagsund» gje natt til tysdag på grunn ved Sumarsøyna i Ytre Solund.

Foto: Redningsselskapet / NRK

– Det er flo no, så eg reknar med at vi gjer eit forsøk på neste flo som er om 12 timar, eller så ventar vi til det er lyst igjen i morgon føremiddag, seier reiar Magne Berge når NRK snakkar med klokka 10.15.

Like før klokka tre natt til tysdag gjekk lastebåten «Selvaagsund» på grunn ved Sumarsøyna i Ytre Solund . Båten, som er eigd av Berge rederi på Hitra, kom frå Florø og var på veg til Tyskland med grus. Berge kan førebels ikkje seie noko om årsaka til grunnstøytinga.

– Vi har nokre teoriar, men vi har ikkje noko konkret og må undersøke det nærare, seier Berge.

Kystvakta på veg

«Selvaagsund» har fått skadar i baugen i samanstøyten, og tar inn vatn.

– Problemet til no er at vi ikkje får brukt pumpene om bord til å lense båten der skaden er, seier Berge.

Lastebåten får no hjelp av redningsskøyta «KG Jebsen», i tillegg er Kystvaktskipet KV Tor på veg med ekstra pumper, og er venta å vere framme kring klokka 14 i ettermiddag. Ein patruljebåt frå KV Tor er venta å vere frame klokka 11.

– Etter kvart så får vi og på plass dykkarar frå Måløy som skal vurdere kor store skadane er på båten, seier Berge.

Gå til forsiden

Selvaagsund på grunn

Selvaagsund

Selvaagsund på grunn

6 bilder

    Framleis om bord

    Mannskapet på åtte er framleis om bord, og ingen av dei har kome til skade i grunnstøytinga.

    – Når vi no får tetta lekkasjane og pumpa ut vatnet, så tar vi sjansen på å trekke den av grunn.

    – Kva med gruslasta som de har om bord, må det losse noko av den før de trekker båten av grunn?

    – Vi må losse før den skal på verkstad, men det er ein lastebåt og toler å ha last om bord, seier Berge.

    Fraktebåt på grunn

    VIDEO: Båten står solid på grunn, men det er førebels uklart kor store skadar båten har fått i samband med grunnstøytinga.

    Laster kart, vennligst vent...

    GRUNNSTØYTING: Den grunnstøytte lastebåten ved Sumarsøyna.

    Detaljane skal finpussast
    Huset til filosofen Wittgenstein flyttar.
    Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.