– Enkelt sagt er designplantar som eit organisk kinderegg. Det er ei estetisk oppleving, det er morosamt, skapar aktivitet og fremjar identifikasjon og kjensler, fortel ho.
Marion Tufteland er utdanna blomsterdekoratør og bur i Nordfjordeid. Ho la ned blomsterbutikken sin i oktober 2012 og har sidan den tid jobba med å utvikle konseptet til bruk i hage.
– Marknaden for butikken vart for tøff, fortel ho.
LAGAR SKULPTURAR: Marion Tufteland ynskjer å leve av designkattane i smijern.
Foto: Heidi Lise bakke / NRKHo fann ut at ho ville prøve å leve av hageskulpturane. Konseptet kallar ho designplantar for hus og hage og skal gjere hagevandring ekstra spennande.
GLOBETROTTEREN: Dette er også ein skulptur designa av Marion Tufteland
Foto: Heidi Lise Bakke / NRK
JEGEREN: Han er ofte ute på jakt eller frieri og kjem fyrst heim om morgonen for å få seg mat og kvile seg ut til neste økt.
Kattemodellar
Ho kombinerer organisk material i stativa og nyttar klatreplantar. Ho har seks kattemodellar som alle har eit namn og ein karakteristikk.
– Kvifor ikkje spegle dei andre interessene ein har i livet, nettopp i hagen? Er ein katteelskar eller ein romantikar, så er hagen rette plassen å fremje det, seier ho.
Sjå Grønn Glede tysdag 23. juni klokka 19.45 på NRK 1 eller i nett-TV.
ARISTOKATTEN: Dette er sofistikert, trendy og elegant i sitt uttrykk. – Elskar merksemd og trivst der folk legg merke til han, fortel Marion Tufteland.
Foto: Heidi Lise Bakke / NRK