Administrasjonen har tilrådd å kutte bussruta mellom 1. november og 30. april.
Grunngjevinga er dei ustabile tilhøva med mange stengingar av riksveg 13 over Vikafjellet dei siste vintrane.
- Les: Heile tilrådinga frå fylkesadministrasjonen her (ekstern lenkje)
– Vi kan rett og slett ikkje finne oss i det i Vik. Vi set att med eitt spørsmål; kva meir vil fylkeskommunen gjere for å isolere oss på sørsida her. Kva blir det neste, undrar Vik-ordførar Marta Finden Halset (Ap).
Seks reisande per dag
I utgreiinga viser fylkeskommunen til at det i realiteten skulle vore 92 reisedagar i vinterperioden. Men i vinter har fjellet nærast
.- Les også:
I praksis vart det 38 reelle reisedagar.
Statistikken for i år viser 234 reisande over fylkesgrensa fram til 20. april. Det gir eit snitt på seks reisande over fylkesgrensa per dag.
– På dei turane bussane gjekk, betyr det at det i snitt var 1,5 personar om bord i bussen, skriv sakshandsamar Ole Ingar Hæreid.
Vanskeleg å planlegge
Det får Vik-ordføraren til å sjå raudt.
– Det seier seg sjølv at med så mykje stenging og uvêr, så avgrensar det seg kor mange som stolar på å komme seg over Vikafjellet, seier Halset.
Ho viser til at styresmaktene no står føre satsinga på Vikafjellstunnelen. Ei satsing også fylkeskommunen har slutta seg til.
– Då er det å leggje ned bussrutene over fjellet dårleg signal. Det fører oss attende til 1960-talet og det kan vi ikkje finne oss i, seier ho.
– Tunnel snarast råd
Leiar Morten Midlang i Vik Høgre meiner framlegget gjer det endå meir påkravd å få bygd tunnel gjennom Vikafjellet snarast råd.
– Når sjølv Fylkeskommunen finn det så vanskeleg at dei vil føreslå å kutte ned desse rutene også, så set dei strek under behova og utfordringane vi har i Vik, seier han.
– Skal vi vere ein del av Norge heile året, heile døgnet så må vi ha veg anten sørover eller nordover. Vi har også stengt veg nordover sidan vi ikkje har ferje om natta, legg han til.
Kontaktar politikarar
Som lokallagsleiar har han kontakta både fylkes- og stortingspolitikarar for å minne dei om vedtaket om at riksveg 13 skal vere ein døgnopen heilårsveg.
- Les også:
– Vi etterlyser tidlegare oppstart av driving av Vikafjellstunnelen så vi kjem ut av uføre. Sjølv om vedtaket er der om at det skal vere døgnope heilårsveg, så klarer dei ikkje halde det i praksis. Då må det handling til for å utbetre det, seier han.